12 dibbe..

Ek dibbe ke aage dibba,

Uss dibbe ke peeche dibba.

Aage peeche dibba dibba.

12 dibbon ki dheemi local aa rahi hai….

In dibbon mein baithe, khade jayenge kuch log..

Jo badh rahe hain apni apni manzil ki ore.

Aur jinke office ne unki khoob jaan hai khaayi, who phir bhi  khush hain

Kyunki, 12 dibbon ki dheemi local aa rahi hai….

Seatein kam hai, log hai zyada…

Ticket kharidna is never ever seat ka vaada…

Jisse seat mili who aaj ka raja ya rani kal se shuri hogi ek aisi he nayi kahani

Par aaj to, 12 dibbon ki dheemi local aa rahi hai….

Ghusna jiska lage kathin jo,

Utrega kaise balak who.

Bheed ho jiska middle name, uss train mein chadhkar sprain bhi aa sakta hai, but smile young man

Kyunki, 12 dibbon ki dheemi local aa rahi hai….

Jab aati hai shor machati,

Apna horn zor se bachati,

Platform par bhagdad mach jaati hai, seedhi saadhi ladki bhi PT Usha ban jaati hai,

Kyunki, 12 dibbon ki dheemi local aa rahi hai….                                                                                                                                                       

Pyaaz kaatti, paper padhti, batiyaati, ya soti janta

Sabko unke station pahuchna train ka param farz hai banta.

Ek inch ki jagah, ke liye sophisticated logon mein bhi badi jung ho jaati hai, par sab ignore kar jaate hain

Kyunki, 12 dibbon ki dheemi local aa rahi hai….

Ek dhakka aayega aur aap honge train ke andar.

Ek dhakka le jayega theek aapko train ke bahar.

Sab automatic ho jayega, bus right place at right time ka funda he kaam aayega.

Kyunki, 12 dibbon ki dheemi local aa rahi hai….

Jab utaare jaayein apne station par.

Kar sakte hain chaahein to aap thoda sa sabar.

Par, zara side mein jakar rest kejeye janab, aur hatt jayeye from slowly building human dabaav,

Kyunki, ek aur 12 dibbon ki dheemi local aa rahi hai.